SASA TAMBWE ANATAKA KUWAHACHIA MAJONZI MAZITO SIMBA FC BAADA YA KUTAKA KUAMUA KITU HIKI

STRAIKA mahiri wa Simba, Mrundi Amissi Tambwe, amesema alisikitishwa na taarifa za kutaka kuchujwa kikosini kumpisha mshambuliaji Emmanuel Okwi raia wa Uganda na kuongeza kuwa anasubiri dirisha dogo la usajili lifunguliwe ili afanye uamuzi mgumu. Tambwe aliibuka kinara wa mabao msimu uliopita lakini uongozi wa klabu hiyo ulikuwa unafikiria kumchomoa kikosini hapo baada ya kutakiwa kupunguza mchezaji mmoja wa kigeni kupisha usajili wa Okwi ili kukidhi idadi ya wachezaji watano wa kigeni wanaoruhusiwa kucheza katika klabu moja. Simba tayari ilikuwa na Joseph Owino raia wa Uganda, Donald Mosoti na Raphael Kiongera raia wa Kenya pamoja na Warundi Pierre Kwizera na Tambwe hivyo kutakiwa kumpunguza mmoja. Mosoti ndiye aliyekuja kuondolewa baadaye baada ya hoja ya Tambwe kupata upinzani mzito. Akizungumza jijini Dar es Salaam, Tambwe alisema: “Najua kuwa mimi ndiye niliyekuwa chaguo la kwanza la kuondolewa ili kumpisha Okwi, nilisikitika sana nilipopata hizo taarifa kwani tayari nilikuwa na mipango yangu mingi niliyokuwa nimeiahirisha kwa ajili ya Simba. “Siwezi kuweka wazi klabu nilizotaka kwenda lakini nilikuwa na mipango mingi, kwa sasa nasubiri dirisha dogo ili niweze kukamilisha mipango yangu, mimi naifahamu kazi yangu na huwa sichezi kwa kubahatisha,” alisema Tambwe. Hata hivyo straika huyo alisema: “Mosoti tayari ameshaondoka, hakuna ujanja hao vijana wanatakiwa wajitahidi kucheza kwa kuelewana na kuisaidia timu, hapo tutasogea lakini ukweli ni kwamba kuna vitu vya Mosoti ambavyo tutavikosa.”credit mwanaspoti

Posted via Blogaway