 |
| Mtaro alijikuta juzi katika wakati mgumu baada ya wananchi wanaodai ni wenye hasira kutaka kumpa kipigo kwa kitendo hicho cha kugeuza sehemu ya makaburi kuwa eneo la burudani . Mfanyabiashara huyo ambaye pia ni mfanyakazi Idara ya Fedha ya Halmashauri ya Wilaya ya Masasi, inadaiwa alianzisha biashara hiyo ya vileo katika eneo la Roben Kata ya Mkuti , mjini Masasi wiki mbili zilizopita. Tafrani iliyojitokeza juzi na kudumu kwa zaidi ya saa saba, ilikuwa ni baada ya kundi la vijana kufika eneo hilo kwa ajili ya kuchimba kaburi kwa maziko ya ndugu yao na kukuta hali tofauti . Inadaiwa walikuta baadhi ya makaburi yamejengwa sehemu za kukaa wateja, choo pamoja na banda kubwa la biashara lililosheheni vinywaji. Aidha walikasirishwa na kile kinachodaiwa kwamba ni kukuta pakiti tupu za pombe zikiwa zimetapakaa juu ya makaburi hayo. Inadaiwa pia walikutwa wateja wakipata vinywaji wakati huo saa 4 asubuhi huku baadhi wakiwa wameweka miguu juu ya makaburi; kitendo kilichoibua hasira ya vijana hao walioamua kutoa taarifa Ofisi ya Mtendaji Kata ya Mkuti . Mmiliki Akizungumza kwa niaba ya mmiliki, Meneja wa ‘ baa ’ hiyo , Gasper Priscus alisema waliamua kujenga kwenye eneo hilo kwa kuwa kiwanja hicho wanakimiliki. Alidai waliuziwa na mkazi wa Kitongoji cha Roben mjini Masasi, Gerald Daudi . Kwa mujibu wa meneja huyo, baada ya kuuziwa waliamua kuanza ujenzi wa baa hiyo kwa haraka kwa madai kuwa aliyewauzia, Daudi ni mgonjwa. Priscus alisema walikuwa na hofu kwamba endapo angefariki kabla ya kujenga baa hiyo , wangenyang’ anywa eneo hilo kwa kuwa limeshazungukwa na makaburi. Alikiri kwamba takribani wiki mbili sasa zimepita tangu waanze biashara hiyo ya vileo kwenye eneo hilo na kwamba wamekuwa wakipata wateja wengi hasa usiku . Akana kuuza Hata hivyo Daudi; anayedaiwa kuuza eneo hilo kwa Mtaro alikana kuliuza . Alisema aliamua kumpa eneo hilo bure kwa jinsi anavyomsaidia katika hali yake ya ugonjwa ambao umekuwa ukimsumbua kwa muda mrefu sasa . Akizunngumzia kuhusu kuondolewa kwa baadhi ya misalaba kupisha ujenzi huo, Daudi aliyekuwa akizungumza kwa taabu akiwa kitandani , alisema walikubaliana ing’ olewe mitatu pekee kutoka kwenye makaburi ya familia yao. Alisema uamuzi wa kung’ oa misalaba mingine zaidi ya 10 ni uamuzi uliofanywa na aliyemkabidhi eneo hilo. Ofisa Mtendaji Ofisa Mtendaji wa Kata ya Mkuti , Moza Napachili alithibitisha ofisi yake kupokea taarifa za kuwepo kwa mtu aliyejenga baa kwenye eneo la makaburi. Napachili alisema alikwenda kwenye eneo la tukio akiongozana na Mwenyekiti wa mtaa huo kutafuta suluhu ya mgogoro huo . Baadaye kilifanyika kikao baina ya Kaimu Mkurugenzi wa Halmashauri ya Mji wa Masasi, Henry Kagogoro , Mtendaji wa Kata , wa Mtaa, na Mwenyekiti wa Halmashauri pamoja na anayedaiwa kuwa mmiliki wa baa hiyo , Mtaro . Makubaliano yaliyofikiwa na kikao hicho ni kutaifisha eneo hilo. Walikubaliana libaki chini ya Halmashauri kwa ajili ya shughuli za maziko pekee. Hivyo iliamuriwa jengo hilo la baa na vibanda , viondolewe na mhusika, kesho awasilishe taarifa Idara ya Ardhi zinazoonesha kuwa eneo hilo analimiliki kihalali . Kaimu Mkurugenzi wa Halmashauri alisisitiza eneo hilo la makaburi ni mali ya Halmashauri . Wateketeza kwa moto Hata hivyo wananchi waliokuwa wamefika kwenye makaburi hayo kwa ajili ya kuzika ndugu yao, waliteketeza kwa moto vibanda vitano vya kupumzikia vilivyoezekwa kwa makuti . Pia jengo la baa lilibomolewa . Polisi Kwa upande wa Polisi, ilikiri kuwa na taarifa juu ya mgogoro huo . Mkuu wa Polisi, Wilaya, Azaria Makubi alisema wanaendelea na upelelezi kuhusu tukio hilo. MKAZI wa Mtaa wa Misufini, Kata ya Nyasa, Halmashauri ya Mji Masasi mkoani Mtwara , Innocent Mtaro anatuhumiwa kujenga baa katikati ya makaburi. |
0 comments:
Post a Comment